മാനം കണ്ണീർ തൂകുന്നു,
ഒരു പക പോക്കൽ പോൽ
മരം മറിഞ്ഞ് വീഴുന്നു,
ഇനിയും മുറിക്കാൻ അനുവദിക്കില്ല പോൽ
പാറകൾ തനിയെ പിളരുന്നു,
ഇനിയും പിളർക്കാൻ അനുവദികില്ല പോൽ
പുഴ കൂട്ട് തേടി നടക്കുന്നു,
മണലൂറ്റുകാരൻ്റെ വീടും വേണം കൂട്ടിന് പോൽ
തോട് മത്സരിചീടുന്നു,
മാലിന്യങ്ങളുടെ നിറങ്ങളോട് തോൽക്കാൻ വയ്യ പോൽ
പാടങ്ങൾ കര കവിയുന്നു
ജൈവ പാനത്തിനാണ്
യാത്ര പോലും
വരക്കാർ വരച്ച് കൂട്ടുന്നു
ഭംഗിയുടെ ലീലാവിലാസങ്ങൾ
പ്രകൃതി നിവർന്ന് നിൽക്കുന്നു
ഛായാചിത്ര-ത്തിനായ്
എന്തോ ഞാൻ മാത്രം ഭയക്കുന്നു
എല്ലാം അവസാനിക്കാനുള്ള
ആളിക്കത്തലുകൾ ആകുമോ....?
